មើលសញ្ញាទាំង៥នេះសិនបើអ្នកចង់លាឈប់ពីការងារ

តាមការស្រាវជ្រាវបង្ហាញថា មនុស្ស ៩​ក្នុងចំណោងម១០​នាក់ មិនពេញចិត្តនិងការងារដែលពួកគេកំពុងធ្វើ។  តើអ្នកកំពុងតែគិតថាតើគួរលាឈប់ពីការងារ ដើម្បីចាប់ផ្តើមអាជីវកម្ម ឬ​ ស្វែងរកការងារថ្មីដែរឫទេ? បើសិនអ្នកសញ្ញាទាំង៥ ខាងក្រោមនេះអ្នកគួរតែលាឈប់ពីការងារ៖

1.ការត្អូញត្អែរ

សញ្ញាទី១ នេះ នៅពេលអ្នកត្រឡប់ពីកន្លែងធ្វើមកផ្ទះវិញអ្នកតែងត្អូញត្អែ ប្រាប់គ្រួសារអ្នកអំពីក្រុមការងារ  ឫប្រធានរបស់អ្នកថា អ្នកនេះមិនល្អ  មិនគួរធ្វើបែប គាត់មិនស្តាប់ហេតុផល….។ និយាយរួមទៅអ្នកតែងតែត្អូញត្អែភាពអវិជ្ជមានកន្លែងការងារ ប្រាប់ទៅមិត្តភក្រ័ និង ប្តី/ប្រពន្ធ

2 រាល់ថ្ងៃអ្នកមិនចង់ទៅធ្វើការ

ជារៀងរាល់ព្រឹកអ្នកមិនចង់ក្រោកពីដំណេកទៅធ្វើការ អ្នកមានតែងមានអារម្មរណ៍ថាថ្ងៃចន្ទជាថ្ងៃស្មុគស្មាញ និង អួអាប់។អ្នកតែងតែបន់អោយដល់ថ្ងៃចុងសប្តាហ៍ឆាប់ៗ។នេះមានន័យថាជីវិតរបស់អ្នករស់នៅសម្រាប់តែថ្ងៃចុងសប្តាហ៍ប៉ុណ្ណោះ។ ការដែលអ្នកមិនចង់ទៅធ្វើការនេះមិនមានន័យថាអ្នកខ្ចិលនោះទេតែវាជាសញ្ញាមួយបញ្ចាក់វាអ្នកមិនពេញចិត្តនិងការងារដែលអ្នកកំពុងធ្វើ។  ម្យ៉ាងទៀតអាចថាការងារដែលអ្នកកំពុងតែធ្វើមិនស្របនិងគោលដៅឫក្តីស្រម៉ៃរបស់អ្នក។

3.អ្នកធុញទ្រាន់ញឹកញាប់

ពេលកំពុងធ្វើការងារប្រសិនបើអ្នកឧស្សាហ៍ឆែកមើលបណ្តាញសង្គម ដូចជា Facebook, YouTube … ។ សញ្ញានេះបញ្ជាក់អ្នកគួរតែស្វែរកការងារថ្មី ​ឫចាប់ផ្តើមអាជីវកម្ម ឫ ធ្វើអ្វីដែលខ្លួនពេញចិត្ត។​​ សំខាន់បំផុតត្រូវរកអោយឃើញអ្វីជាសក្តានុពលរបស់យើង។

4.អ្នកមានអារម្មណ៍អស់សង្ឃឹម

ប្រសិនបើអ្នកមិនសប្បាយចិត្តនិងការងារបច្ចុប្បន្នទេ ឫអ្នកមានអារម្មណ៍ថាមិនភាពរីកចំរើន ផលិតភាពការងារបស់អ្នកមានការធ្លាក់ចុះ​​ ដែលធ្វើអោយអ្នកកាន់តែមានអារម្មណ៍តប់ប្រម៉ល់ ។អ្នកប្រៀបដូចមនុស្សគ្មានវិញ្ញាណ  និង​ បាត់បង់ការផ្តោតអារម្មណ៍លើការងារ​​។

5.ក្រុមហ៊ុនមិនផ្តល់តម្លៃអោយអ្នក

ក្នុងចំណុចនេះចង់បង្ហាញថាក្រុមហ៊ុនមិនលើកទឹកចិត្ត  មិនពង្រឹងសមត្ថភាពដល់បុគ្គលិក  ឫ ប្រធានរបស់អ្នកមិន ជួយបង្វឹកការងារអ្នកបន្ថែមដើម្បីអោយអ្នកទទួលបានជំនាញកាន់តែប្រសើរឡើង។

តើលោកអ្នកមានសញ្ញាណាមួយក្នុងចំណោមទាំងប្រាំខាងលើ ?​ប្រសិនមាន បានន័យថាអ្នកគួរធ្វើអ្វីដែលខ្លួនពេញចិត្តដើម្បីឆ្ពោះទៅរកគោលដៅរបស់អ្នក។

Advertisements